ایڈیشنل آئی جی پی آپریشنز محمد علی بابا خیل نے وفد کے ارکان کو تفصیلی بریفنگ دی۔ وفد کے ارکان کو صوبے کے مخصوص جغرافیائی محل وقوع، پولیس کے تنظیمی ڈھانچے، پولیس کی کارکردگی اور بالخصوص دہشت گردی کے خلاف جنگ میں پولیس کو درپیش چیلنجوں اور پولیس کی قربانیوں کے بارے میں تفصیل سے بتایا گیا۔ انہیں پولیس کے حالات کار، پولیس کے مشن، درپیش چیلنجوں سے نمٹنے کے لیے لائحہ عمل اور پولیس میں متعارف شدہ اصلاحات کے بارے میں بھی معلومات فراہم کی گئیں۔ وفد کے ارکان کو پولیس میں انسپکٹر جنرل اختر حیات خان کے ادارہ جاتی اصلاحات بالخصوص کاؤنٹر ٹیرارزم ڈیپارٹمنٹ اور سپیشل برانچ کی ازسر نو تنظیم، قبائلی اضلاع میں سی ٹی ڈی،انوسٹی گیشن اور سپیشل برانچ کی توسیع اور ڈھانچے کو مزید مضبوط و مربوط بنانے انفارمیشن ٹیکنالوجی پر مبنی پولیسنگ کے لیے اْٹھائے گئے اقدامات کے بارے میں بھی تفصیل سے بریفنگ دی گئی۔ اسی طرح عوام کی بہتر خدمت، موثرپولیسنگ اور پولیس کی استعدادی صلاحیتیں بڑھانے اور اْن کی فلاح وبہبود کے لئے اْٹھائے گئے اقدامات کے حوالے سے بھی انہیں بتایا گیا۔ وفد کے ارکان کو خیبر پختونخوا پولیس کو درپیش چیلنجوں اور ان سے نمٹنے کے لیے آئندہ کے لائحہ عمل کے بارے میں بھی آگاہ کیا گیا۔